Kalittokai

((Originally extracted from master file ^KALI.OCP))
((Last updated on 2004 April 14th))

• {KALI 75-1} nīr ār ceṟuvil neytaloṭu nīṭiya
• {KALI 75-2} nēr itaḻ āmpal nirai itaḻ koṇmār
• {KALI 75-3} cīr ār cē iḻai olippa ōṭum
• {KALI 75-4} ōrai makaḷir ōtai verīi eḻuntu
• {KALI 75-5} āral ārkai am ciṟai toḻuti
• {KALI 75-6} uyarnta poṅkar uyar maram ēṟi
• {KALI 75-7} amar kaṇ makaḷir alappiya a nōy
• {KALI 75-8} tamarkku uraippaṉa pōl pal kural payiṟṟum
• {KALI 75-9} uyarnta pōriṉ oli nal ūraṉ
• {KALI 75-10} putuvōr puṇartal veyyaṉ āyiṉ
• {KALI 75-11} vatuvai nāḷāl vaikal um aḵtu yāṉ
• {KALI 75-12} nōvēṉ tōḻi nōvāy nī eṉa
• {KALI 75-13} eṉ pārttu uṟuvōy kēḷ iṉi teṟṟeṉa
• {KALI 75-14} elliṉai varuti evaṉ kuṟittaṉai eṉa
• {KALI 75-15} collātiruppēṉ āyiṉ olleṉa
• {KALI 75-16} viri uḷai kali māṉ tēroṭu vanta
• {KALI 75-17} viruntu etirkōṭaliṉ maṟappal eṉṟum
• {KALI 75-18} vāṭiya pūvoṭu vāral em maṉai eṉa
• {KALI 75-19} ūṭi iruppēṉ āyiṉ nīṭātu
• {KALI 75-20} accu āṟu āka uṇariya varupavaṉ
• {KALI 75-21} poy cūḷ añci pulavēṉ ākuval
• {KALI 75-22} pakal āṇṭu alkiṉai paratta eṉṟu yāṉ
• {KALI 75-23} ikaliyiruppēṉ āyiṉ tāṉ taṉ
• {KALI 75-24} mutalvaṉ perum peyar muṟai uḷi peṟṟa
• {KALI 75-25} putalvaṉ pulli poy tuyil tuñcum
• {KALI 75-26} āṅka
• {KALI 75-27} viruntu etir koḷḷavum poy cūḷ añca um
• {KALI 75-28} arum peṟal putalvaṉai muyaṅka kāṇa um
• {KALI 75-29} āṅku avintu oḻiyum eṉ pulavi tāṅkātu
• {KALI 75-30} a a iṭattāṉ avai avai kāṇa
• {KALI 75-31} pūm kaṇ makaḷir puṉai nalam citaikkum
• {KALI 75-32} māya makiḻnaṉ parattaimai
• {KALI 75-33} nōveṉ tōḻi kaṭaṉ namakku eṉa ē